अन्तर्राष्ट्रिय

पुटिनको मत ७६।६७ प्रतिशत

पुटिनको मत ७६।६७ प्रतिशत
मस्को, ५ चैत,रासस÷सिन्ह्वा
रुसको राष्ट्रपतिमा पुनः निर्वाचित हुनुभएका वर्तमान राष्ट्रपति भ्लादिमिर पुटिनले ७६।६७ प्रतशत मत प्राप्त गर्नुभएको छ । 
 
आइतबार सम्पन्न राष्ट्रपतीय निर्वाचनमा उहाँ अत्यधिक बहुमतका साथ पुनः निर्वाचित हुनुभएको समाचारमा जनाइएको छ । प्राप्त समाचारअनुसार यहाँको निर्वाचनको मतमध्ये ९९।८ प्रतिशत गणना गरिसक्दा पुटिनले मात्र ७६।६७ प्रतिशत मत हात पार्नुभएको हो । 
 
यो उहाँका निकटतम प्रतिद्वन्द्वीको तुलनामा निकै नै बढी हो । उहाँका प्रतिद्वन्द्वीले १२ प्रतिशतमात्र मत प्राप्त गर्नुभएको छ । आइतबार सम्पन्न मतदानमा ६७ प्रतिशत मत खसेको थियो । यस मतसंख्यालाई पनि कममात्र मत खसेको भनी टिप्पणी गरिएको छ । 
 
उता विपक्षीहरुले भने उहाँको यो मत प्रतिशतलाई अस्वाभाविक भनी टिप्पणी गरेका छन् । उनीहरुले यस मतप्रतिशतलाई राष्ट्रपतिले स्वच्छ निर्वाचनका माध्यमबाट प्राप्त नगरेको बताएका छन् । पुटिनले रुसलाई करिब दुई दशकदेखि नेतृत्व प्रदानगर्दै आउनुभएको छ ।
 
यो उहाँको चौथो कार्यकाल हो । उहाँले रुसलाई आगामी छ वर्ष नेतृत्व प्रदान गर्नुहुने छ ।